羅蘭冇奶餵十兄弟

老牌歌手何國材（十一哥）前晚舉行《十一哥緣來十兄弟歲月經典金曲慈善夜》，為紀念亡妻逝世一周年，十一哥全晚唱了不少金曲獻給太太，問可有預留空櫈給她？十一哥說：「總監有提議，但我覺得傷感，都係唔好。呢排特別掛住佢，雖然冇報夢，但係晚晚都瞓得唔好。」他又表示演出共籌得一百萬港元善款，並正在計劃以亡妻名義設立慈善基金。
胡楓從後攬實羅蘭大放笑彈。
胡楓從後攬實羅蘭大放笑彈。

全晚嘉賓陣容鼎盛，尹光、譚炳文、黃韻材等落力演出，羅蘭更語出驚人笑言：「今晚你哋叫十兄弟，但係冇阿媽餵奶嘅？我年紀太大做唔到阿媽，後生先夠奶！」羅蘭與胡楓（修哥）在台上重演Hit爆的超市廣告，修哥從後緊抱羅蘭，大放笑彈。羅蘭抵死笑言：「修哥，識你咁多年都咁百厭，成日喺片場搞三搞四，我意思係搞笑話！」修哥以廣告金句還擊說：「羅蘭，識你咁多年都係百看不厭。」

（左起）盧海鵬、何國材及尹光前晚兄弟重聚。
  • （左起）盧海鵬、何國材及尹光前晚兄弟重聚。