咪神梁政珏自爆有嫁期

無綫花旦徐子珊、胡定欣、咪神梁政珏及陳敏之等昨日落力宣傳無綫新劇《點金勝手》，日前被本報拍得與「牛乳大王」男友何思源夜蒲鬼祟拍拖的梁政珏成為焦點，想不到她現場態度180度轉變，承認被拍得的何姓男友，其實已是結婚對象：「都拍咗年幾拖，佢先後求咗兩次婚，不過次次都係被氣氛帶動，冇做足準備工夫，又冇花又冇戒指。」梁政珏表示知今年雙春兼閏月，很有機會趁好年拉埋天窗：「我媽咪嗰邊好信命理，會揀好日結婚，不過我唔想做大龍鳳，搞到好似做騷咁，我呢個月會開劇做黃秋生情人，呢個係好機會，唔知會唔會影響婚期。」

陳敏之出福音碟

同場的徐子珊與胡定欣於戲內有感情線，昨日曝光的分餘鐘片段有二人激吻戲份，事後她們又作勢咀嘴供記者拍照，炒熱現場氣氛。子珊笑言只要收視好的話，不介意當眾再咀，由於男主角黃宗澤繼續缺席宣傳，子珊笑指會屈對方請大隊食飯「謝罪」。

胡定欣（左）和徐子珊公然咀嘴，延續劇中情緣。

黃宗澤只派紙牌「撐場」，難怪子珊要他請食飯謝罪。

陳敏之當年以「小室哲哉徒弟」身份入行，但後來改拍劇，早前再於《My盛Lady》內重拾咪高峰，結果引來唱片公司垂青，今年更有機會推出福音大碟，她說：「我同唱片公司老闆講想出福音碟，咁啱佢都係基督徒，我覺得好好，遲啲會有進一步消息公布。」她又指自己近日忙於相約閨蜜齊齊做運動練氣。

露長腿玩遊戲的敏之，將會重出江湖出碟。	鄧佩儀（左）與梁政珏玩遊戲慘被綑綁。	梁政珏指男友何思源求過兩次婚。（資料圖片）

文：影視組