楊冪誕7磅糯米 點都係靚女!

27歲的楊冪及39歲的劉愷威拍拖兩年多，本年一月在峇里島舉行婚禮，隨即公布楊冪已懷孕三個月，昨日六一國際兒童節，劉愷威在微博報喜，宣布楊冪順利誕下女兒：「歡迎劉家新成員！媽媽辛苦了！母女平安！感恩！祝全天下的小朋友和我家小糯米兒童節快樂！」大批網友即送上祝福。

預產期為六月的楊冪前晚（31/5）陣痛送入港島區半山一所醫院，原本打算順產，但因BB女頭部太大，令楊冪劇痛難當，醫生遂建議開刀分娩，劉愷威一直在產房陪伴，至昨日中午楊冪正式誕下女兒，重約七磅，兩人喜見愛女出世都喜極而泣，劉愷威更幫手剪臍帶，但緊張得手騰腳震。因BB女在端午節前夕出世，一出世就有糭吃，故暫時乳名叫「小糯米」，「小糯米」樣子趣致可愛，五官盡得靚爸靚媽真傳，猶如父母的混合體，至於正式名字則由兩家人商量後，再交由內地相士算命，由於名字要顧及廣東話及普通話發音，故兩家人都相當審慎。

婚後的二人表現恩愛，羨煞旁人。

楊冪之前一直留港待產，出入均有劉愷威照料。

楊父母來港照料

其實近年在內地爆紅的劉愷威正忙於在橫店拍攝劇集《抓住彩虹的男人》，尚有兩至三個工作日才煞科，但因太太分娩，他急急請假返港，並在醫院包起套房。此外，楊冪父母亦專程由北京來港探望，並已下榻酒店方便隨時照顧愛女，而楊父昨日在微博留言：「我正式升級！」

劉楊二人於本年一月在峇里結婚，隨即宣布雙喜臨門。

楊冪於港島半山的醫院分娩，昨日吸引大批記者守候。

至於榮升爺爺的劉丹一樣喜上眉梢，他昨日接受電話訪問時難掩喜悅之情，笑言正隔住玻璃看精靈可愛的孫女，大感心滿意足，他透露楊冪出院後會留港在男家調理身子，並已請陪月照顧。問到BB女似邊個？他說：「我同我老婆意見唔同，我覺得個嘴似阿威，老婆就話似楊冪，等多日收咗水先睇得清楚，不過點都係一個靚女。」

產婦暫未能進食

昨午約二十多名記者到達醫院守候，卻未見劉愷威及楊冪現身，由劉丹做代表步出醫院接受訪問，他提起孫女時多次笑得見牙唔見眼，問到楊冪身邊狀況，劉丹說：「生完BB梗係攰，佢最想食嘢，好多個鐘頭冇食，但仲有啲麻醉藥，未食得嘢住。（抱得BB未？）未，我都係離遠望，望見佢，覺得好精靈，佢哋推出產房時，我第一次見到BB，好感觸，嗰剎那講唔出嘢，心諗：『呢個就係我個孫喇？』」他透露愷威連日都會在套房陪老婆，暫不會露面，又爆愷威剪臍帶時落淚，但並非驚血，而是感動。