張家瑩趁勢解放無邊際
亞姐張家瑩（Grace）與筱靖早前率先進行「夏水禮」，以三點式泳裝到沙灘迎接夏日，喜歡到無邊泳池戲水多過去沙灘的家瑩，與揚言除非廣告代言，否則不再泳裝示人的筱靖，令這個「夏水禮」更有紀念性！
近年每逢亞視有大騷，少不了張家瑩（Grace）以性感晚裝擔任司儀，總能成功吸睛，而換上三點式泳裝的Grace，身形更見玲瓏浮凸，輕易成為沙灘上的焦點，她說：「其實我喺香港好少游水，因為出Trip拍嘢成日會去好多靚酒店嘅泳池，見到Infinity pool（無邊泳池）就最開心，自己游水都會揀泳池，沙灘就算去都會揀啲沙幼啲嘅，好怕拮腳嗰種感覺，好難受！為咗迎接夏日，我每年都買新泳衣，今年我就上網買咗，準備出海或者拍節目用，希望畀到新鮮感自己同大家！」
擔遮抗紅日
筱靖則揚言今後泳裝示人的機會將買少見少，她說：「除非係拍廣告，做代言，否則都好難再睇到我泳裝示人，因為我啱啱過咗生日，女人過咗25歲要保養，中醫同我講，25歲後女人賀爾蒙會有改變，好易出斑，我好貪靚，平時出街都擔遮，陽光海灘唔再適合我，今次算係我泳裝露天曬太陽嘅告別作，若果有人覺得我身材好，想我泳裝示人，就搵我拍廣告啦！」
文：影視組