關楚耀翻生靠Supper Moment

關楚耀（左二）與樂隊Supper Moment及主持人俞詠文，分享在音樂上首度合作的趣事。

樂隊Supper Moment為關楚耀（Kelvin）創作新歌《死去活來》，日前就獲邀來到《東網》的《娛樂onShow》與主持人俞詠文（Angela）暢談合作經歷！由於這一次是Supper Moment和Kelvin的首次合作，對他們來說也特別難忘，一向被指是「傷心代言人」的Kelvin遇上正面陽光的Supper Moment即火花四濺，慘情歌王Kelvin更破格演繹正面的「死去活來」！

Supper Moment就為新歌解畫：「死去係負面，活來係正面，死過又翻生，所以好正面！」而Kelvin亦表達自己的深刻體會：「表面上係一首講感情嘅歌，但我自己覺得人一定喺感情上有死過，或者心態上有經歷死過，先會知道活着係精彩。」

Sunny自爆被Kelvin電到「暈陀陀」，即被Angela取笑。

關楚耀即席下廚，炮製滋味沙律。

「靚仔到不能」

提到他們創作上的初體驗，Supper Moment坦言與Kelvin合作愉快：「我哋好鍾意Kelvin喺歌曲同MV上嘅演繹，感覺上成個人落寞到冇表情，佢做到種感覺，呢個係好好嘅合作！」由於是次訪問的地點移師至廚房，Kelvin及Supper Moment的鼓手阿達亦即席大顯身手炮製「毫無難度」的果汁及沙律！期間Supper Moment的主音Sunny更自爆覺得Kelvin「靚仔到不能」，大讚他的電眼令人「暈陀陀」，即被主持人Angela笑他：「我覺得你鍾意睇仔多過睇女喎！」場面爆趣！想知道更多他們的爆笑互動，那就不能錯過《娛樂onShow》！

文：專案組