余思敏囡囡調皮鄭中基緊張
鄭中基太太余思敏、藝人唐寧、曹敏莉、名模蔣怡等星級媽咪，昨日同出席ILLUMA首個環海莊園開幕典禮，大談仔女經。
余思敏表示囡囡今年9月將入讀幼稚園，透露老公鄭中基是緊張爹哋，因他身在大陸拍戲，故思敏不時傳囡囡的短片給老公：「個女都幾調皮，佢之前將跑步機扶手當monkey bar咁吊高自己係咁揈，爹哋見到，就喺我哋個群組度連續寫十個訊息，話唔好畀個女咁樣，驚佢跌親。（怕唔怕寵壞佢？）盡量唔好。」繼又表示兩人不會分忠奸教導小朋友，總之教導態度盡量一致。另外，思敏接受now的訪問，對老公因她由浪子轉為愛妻號，她謂是大家未正式了解他。
而唐寧亦表示囝囝踏入三歲後便開始奀皮，但只要不太危險，盡量不會阻止，不會太過呵護，問到會否再追？唐寧說：「努力中，希望追個女添。」
