張智霖追部辣跑 浪漫飛馳
影星張智霖（Chilam）向來是愛車之人，高峰期曾同時擁有五部名車，Chilam自言現在已長大，買車只要精準，不會濫買，但他承認想買部跑車，滿足一下個人的浪漫。
前晚Chilam在啟德郵輪碼頭出席名車Audi A8L/S8發布晚宴，眾所周知是愛車之人的他，亦大嘆香港寸金尺土車位欠奉，實在不夠地方供泊車之用，加上自己已經「長大」，故目前擁有的座駕由高峰期五部，下降至只有兩架私家車及一輛家庭車，Chilam笑說：「其實人就得一個，手又得一對，車太多都揸唔晒啦。我自己鍾意現代技能嘅車，同埋古董車，不過依家最重要都係揀精準嘅車！」
「好少會寂寞」
身家豐厚的Chilam，玩過不少靚車，但他不禁抱怨香港地車位不足，即使有車也沒有地方泊，他笑說：「如果有車位嘅，都想買番架跑車，滿足吓一個人嘅浪漫。」
談到近況，Chilam表示正努力keep fit迎接即將舉行的演唱會，勤做運動的他，屆時便可以展示苦練得來的腹肌。此外，提到男星出軌偷食，Chilam入行以來可有遇過誘惑？他醒目地說：「我好好彩，我嘅工作通常有一大班夥伴一齊，所以我比較少寂寞嘅時候。」太太袁詠儀大可放心了！
文：名人組