拾音社寸天堂鳥未夠班
MK POP組合拾音社來自廣州，兩成員何柏誠與李滔踩入旺角「爭奪主權」，在街頭邊唱邊跳《Kiss Kiss Kiss》，向大家喪派香吻，再殺入女人街買MK衫，又食港人最愛的魚蛋，為留港發展做足準備。
對於被網民鬧爆他們跳舞騎呢，拾音社說：「記得學友講過『笑唔緊要，但我要你將來笑住拍手掌。』笑冇所謂，唔通想見人喊？」讀音樂的拾音社兩子又寸爆其他MK Pop組合天堂鳥及FAITH未夠班：「我哋音樂同視覺造型都較出位，我哋係唱作組合，創作力比佢哋強，比較全能。（後生過你哋？）睇樣啦，我覺得我哋個樣後生過佢哋！」