張兆輝揚威加州「恐怖」奪獎
近年轉戰影圈的張兆輝愈撈愈掂，前日他就憑小本製作的電影《恐怖在線》揚威海外，勇奪美國加州電影節的「卓越男主角獎」，成為處男影帝的他更興奮高呼「估唔到！」
大製作大堆頭未必拍得出好電影，只要用心製作，低成本電影都有出頭天！藝人張兆輝、蔡瀚億（Baby John）及周俊偉等於去年九月合作拍攝由新進女導演杜玉貞執導的驚慄片《恐怖在線》，雖然該片是小本製作，但是未有在香港上映已揚威海外，於美國加州聖迭戈拉霍亞舉行的國際電影節「The Indie Fest」中橫掃3獎，包括最佳電影獎、最佳女主角獎，張兆輝就憑該片勇奪「卓越男主角獎」，女主角則由內地女演員李梓宸奪得，可謂蜚聲國際！
望觀眾撐本土製作
據知大會將安排獎項由聖迭戈拉寄回香港給張兆輝，而前日張兆輝的經理人公司獲悉喜訊後，即通知身處廣州拍攝杜琪峯新片的他，得知榮膺男主角的張兆輝當然心情high爆，更發表得獎感言：「完全估唔到可以喺海外拎獎，男配角提名就有好多次，今次有提名之餘仲拎埋獎，真係好意外！」
他又賣花讚花香，更對港產片寄予厚望：「今次拍呢套戲係想為影圈出一分力，不計酬勞，有好劇本我就會拍，小本製作都可以拎到國際獎項，證明小製作都拍到好電影，近年韓國電影都抬頭，希望香港都可以！」電影《恐怖在線》將於今年九月在香港上映，張兆輝更坦言希望觀眾捧場，支持本土製作！
文：專案組