鄭兆良設計婚紗兩換新娘

時裝設計師鄭兆良（Barney）及社交名人陳姿允（Charlotte ）昨日出席TUMI預展，Barney為品牌製作高級男裝滑雪訂製服，同時亦忙於做嫁娶設計，他透露曾發生趣事一樁：「有個客代兒子準備結婚事項，新抱嘅婚紗、晚裝我都設計好，但突然聯絡唔到佢，隔咗一排，佢叫我唔好丟掉設計好嘅婚紗，九個月後佢帶咗新嘅新抱嚟試之前設計好嘅衫，因為之前我見過準新娘面，唔係咁樣，好彩兩個都係model先啱着。」
鄭兆良透露為準新娘設計婚紗，遇上趣事。
鄭兆良透露為準新娘設計婚紗，遇上趣事。

Charlotte就透露之前與丈夫去了越南、紐約等六個城市旅行勁sweet ，問是否順便造人？她說：「冇咁快，我依家個BB就係我間公司，長輩都有催我生，但生咗BB就冇得去旅行，下年先開始計劃。老公會鍾意BB仔，我就仔女都冇所謂。」

陳姿允未想太快生ＢＢ。
  • 陳姿允未想太快生ＢＢ。