魏秋樺拋胸誘惑 家寶舉唔起
亞視今晚舉行《529台慶創勢力》晚會，昨日執行董事葉家寶、表演嘉賓韓國男團Cross Gene、張崇德、張崇基、魏秋樺及女子組合Sparkling Girls進行拜神儀式。
55歲魏秋樺着火辣舞衣搶「峰」頭，更邀葉家寶伴舞，家寶笑謂：「我都希望試吓載歌載舞，但驚舉你唔起呀，你咁高！」問到會否邀曾傳緋聞的前亞視高層盛品儒？魏秋樺說：「好呀，但佢好忙，今次佢睇電視幫手打氣啦！」
提到張崇德長子夭折案，折騰九年終有判決，他表示心情未平復，胞兄崇基更激動落淚：「一家都好難過，我唔接受（判決），應該有更好方法處理，好佩服細佬咁堅持，希望幫到香港解決醫療漏洞。」