苟芸慧做葡精 學講我愛你
歌手李克勤7月初將到巴西為無綫任世界盃主持，克勤認為到當地最緊要是行裝低調，他又大騷4張炒價每張值10萬元的世盃決賽門票。昨晚起程往巴西的苟芸慧，笑言要靠Body language與當地人溝通。
歌手李克勤、苟芸慧、張秀文、鄧佩儀及高鈞賢等，昨日在將軍澳電視城為無綫《2014 FIFA巴西世界盃》外景隊出發進行拜神儀式，克勤大騷４張世界盃決賽門票，指屆時炒價達10萬元一張，他將會與老婆、爸爸及外父欣賞。７月初才起行的克勤，被問到在巴西睇世盃有何準備﹖有多次看世盃經驗的他說：「最緊要行裝低調，用舊款電話、唔戴鑽石耳環，試過喺德國睇世界盃，英格蘭對葡萄牙，英格蘭輸咗波，搭火車都畀飲醉酒嘅英格蘭球迷騷擾。」
病愈聲沙夠性感
發燒剛愈的苟芸慧仍聲沙沙，自言聲線性感，希望利用飛往巴西的30多小時機程休息：「當地人英文唔好，到時用Body language溝通，都希望學幾句葡語好似『我愛你』。到巴西最怕曬黑變成巴西人。」而張秀文則表示已打７支預防針，連瘋狗症針都打了以防萬一。張秀文坦言也擔心巴西治安，到時會跟隨大隊不會單獨行動，證件、金錢亦會貼身收藏。
望唱奧運主題曲
此外，克勤與關楚耀為《勁歌金曲》錄影時，講到無綫奪得2016年巴西奧運會轉播權，問克勤可有興趣任主持兼唱主題曲？他坦言有興趣：「監製今日都有問我，到時睇時間啦。你知啦，無綫同唱片公司嘅關係轉來轉去，我同阿倫手掌又係肉、手背又係肉，之前唱唔到世盃主題曲都係有苦衷。」將約滿唱片公司的克勤被問到續約問題？他笑言：「香港有幾多間唱片公司呀，去得邊？（加入無綫唱片部？）等我認真去諗吓。」
文：影視組