周柏豪愛港女唔跟韓流
歌手周柏豪與洪卓立前晚出席I.T旗下品牌STYLENANDA新店開幕活動，柏豪大讚近期韓風非常犀利：「我自己都有聽啲歌，上次同EXO-M上CCTV節目，佢哋喺後台嘅眼神已經好銳利，嗰次比賽攞第二已經好開心。」至於會否模仿韓星作風，他說：「全世界都係同一個風，MV好靚好悅目，但潮流好快兜圈，希望又返番嚟香港，我鍾意香港女仔o架！」
洪卓立為現場的模特兒搽口紅，問他有否為女友湯怡化妝？他表示女友曾學化妝，他反而為女友擔任模特兒：「佢幫我化當練習，我個人好懶，公司有budget就會化妝，冇就唔化，我覺得男仔唔使咁姿整。」他指女友近期改為整蛋糕，非常好吃，他說有想過開間舖給女友，直言女友娶得過，值95分。