張秀文獲指點 與奮掂波邊

張秀文雞手鴨腳，要球星戴維斯再作示範，場面搞笑。

巴西靠高人保護

問到她們本身球技如何？Tracy自嘲落場陪跑：「次次都冇人交波畀我，落場齋跑。」而Sammi則自稱進步，因為成功「掂波邊」。談到即將舉行的世界盃，Sammi笑稱到埗後若遇熱情球迷會靠拍檔高鈞賢保護：「我周三會飛巴西。（遇熱情球迷？）同行高鈞賢會保護我，如果有人攬同咀我，我會叫高鈞賢咀咗佢先！」

開工日日見馬明

談到有報道指趕拍無綫新劇《流氓皇帝》的Tracy避見「筍盤」馬國明？她稱二人開戲時日日見面：「冇避見，每次開工拍外景同廠景都見到佢（表現避忌？）冇，就算有時被影到都係工作上接觸。（收工一齊食飯？）一班人食。（撐枱腳？）佢化老妝後通常拍足成日，太夜收工好攰，會各自返屋企瞓覺。」

球星戴維斯及雲達昨現身教路踢波，為世盃造勢。

朱千雪姿勢十足，可惜球技麻麻，有待改進。

文：影視組