顏子菲無懼抽脂隆胸

前亞姐顏子菲與張家瑩等昨以性感低胸裙出席亞視節目《報母恩　弘大愛　祝福大會》錄影，子菲坦言恨豐胸升Cup，但因怕痛不會做假體隆胸，最極端可接受微創抽脂隆胸：「將多餘嘅脂肪抽走，可以令身形塑造得靚啲，又可以『循環再用』好環保，如果有日我突然暴肥20磅，證明我儲肥自己擺落胸度。」家瑩透露近日到廣州拍新片《華麗上班族》，獲同場的周潤發（發哥）為她拍照，她更膽粗粗向發哥要求send相，記者笑她乘機「抄牌」？她笑言：「好想呀，但我唔夠膽。佢係神級偶像，見到佢已經呆咗，唔夠膽要求太多，喺佢相機裏有我一張相已經好開心。」