黃偉文爆祖兒廚藝差

填詞人黃偉文（Wyman）45歲生日，好友一連兩晚為他舉行生日會，熱戀中的容祖兒與劉浩龍（師兄）拍拖赴會。前晚Wyman跟好友飯聚前出席活動，同場還有時裝設計師譚燕玉（Vivienne Tam）及星級形象指導郭慶彬等。Wyman表示生日願望是身體健康，又踢爆好友送禮的搞笑經驗：「黃耀明淨係會送佢自己鍾意嘅嘢，薛凱琪就出晒名送鞋送手套買錯size。」問到可會希望祖兒快些跟師兄拉埋天窗？
黃偉文生日會，祖兒與師兄拍拖赴會。
黃偉文生日會，祖兒與師兄拍拖赴會。

他笑說：「我希望佢開心，佢依家都幾開心呀，做番啲正常嘢，煮吓飯、做吓運動、陪屋企人。（咁祖兒係咪賢妻？）廚藝方面仲要努力。」他更踢爆祖兒曾以外賣食物當是自己煮，他笑說：「所以佢依家話係自己煮嘅食物，我哋都唔會信喇！」

譚燕玉（左）、郭慶彬（右）
  • 譚燕玉（左）、郭慶彬（右）
黃偉文生日願望是身體健康。
  • 黃偉文生日願望是身體健康。