苟姑娘冧城：識到佢係福氣

藝人苟芸慧（苟姑娘）、名模琦琦、名媛何倍倩、藝人黃美棋、陳嘉桓等昨晚出席Dior「Maison de Parfum Exhibition」，苟姑娘受訪時自爆「女仔病」感不適，還自言情緒亦非常波動：「平時都幾emotional（情緒化），呢啲日子更感性。人哋話香味能紓緩情緒，我想自己調製適合自己嘅香水。」

有收過男仔送香水

她表示對獨特味道的香水難忘：「會記得係邊個送，係你同佢之間嘅味道。」問到有否送過香水給緋聞男友郭富城？她表示：「冇送過嘢畀男仔，但有收過香水。（城城送畀你？）佢冇送過嘢畀我，同佢拍廣告已經係最好禮物，識到佢係福氣。（帶福氣返屋企自己享受？）福氣係天賜，順其自然，依家工作為先。」至於會否送香水給城城經理人小美？她問非所答解釋當日的巧遇：「嗰日係咁啱撞到。」

琦琦笑言會以老公模型公仔教女。	何倍倩鮮有以大露背示人。	黃美棋自認單身。

談到巴西擔任世界盃節目，她表示想帶歡樂給觀眾，至於城城呢？她就說：「嗰度Wi-Fi收得唔好，到時大家搵唔到我都唔奇。」記者指城城喜歡賽車，問會否買賽車手信給他時，苟姑娘反問記者：「賽車女郎？（你扮！）巴西女仔好性感，到時睇吓帶唔帶到靚女相返嚟！」

鍾浠文（左起）、陳嘉桓、倪晨曦

苟姑娘曾與城城合作。

琦琦讚囡囡有天分

同場的琦琦透露當老公任達華不在家時，會擺放華哥電影模型公仔在飾物櫃：「可以成日見住，上海屋企都有。Ella（女兒）個琴上都有，我同佢講『爹哋睇住，要乖啲』！」另外，她又透露Ella想當時裝設計師，老師亦大讚她有天分。而黃美棋被問到男友返港未，她即說：「我冇男友，不過我知你哋講邊個，佢（緋聞男友鍾健威）未返。」她毫不避嫌自爆二人有私下聯絡：「佢影相好叻，會send畀我睇。」

文：名人組