陳智燊吼時機買樓
藝人陳智燊（Jason）早前為「中原電器」擔任代言人及拍攝平面廣告，酬勞有六位數字，密密搵銀的他，想吼準時機上車買樓，是否跟緋聞女友宋熙年築愛巢？他笑着否認：「啲錢放喺銀行唔升值，希望買間五、六百呎嘅單位，唔使供得咁吃力。」
雖然他倆同住在將軍澳區，Jason說未必會同區置業，主要睇回報：「我有諗過大埔、新界地方，因為婆婆住嗰度。（同宋熙年咪隔得好遠？）如果租出去當投資，就唔係個擔心嘅問題。」據他所知，宋熙年都想買樓，但無意夾埋一齊買：「想買啲自己handle到嘅，各自買啦。」