林師傑與獅同行冒死捋背

憑無綫劇集《愛．回家》「木偶哥」一角彈起的Auston，早前趁有長假期出埠歎世界，孝順仔的他主動邀請家人到南非旅行，首次到野生動物園的Auston說：「所有動物係野生，入面超大，要坐車周圍搵動物，要靠司機嘅經驗，我有緣見到野豬、水牛、長頸鹿、斑馬、大笨象同獅子。」

有乜依郁揸碌棍

Auston更膽粗粗與獅子同行，難道不怕被攻擊？Auston說：「驚o架，唔係隨便摸，我係行行吓工作人員話摸得先敢摸，事前講明唔可以正面望佢，因為佢會覺得我攻擊佢。」手持木棍的Auston解釋是用來自衞：「若果獅子想攻擊我時，我就要用木棍打橫放喺佢個口，分散佢注意力。（要鬥快？）都係o架。（摸獅子有咩感覺？）覺得佢心跳好大聲，生命力好強，人真係好渺小，係好好嘅體驗。」

林師傑說貓頭鷹聽音樂時起勢搖頭。

暢遊南非的林師傑，眼界大開！

貓頭鷹愛聽音樂

Auston更一手抱起貓頭鷹不怕被啄：「好得意，佢啄人唔痛，佢咬嘢冇力o架！」他還抵死的大讚貓頭鷹耳仔靈敏及愛聽音樂：「我用手機開音樂佢聽，佢個頭不停咁搖，音樂停佢又停。」Auston大讚當地人熱情又nice：「之前聽過話有好多打劫，我諗係誤解。」

文：音樂組