盛朗熙dry得冧

24歲新星盛朗熙（Joy）集李英愛、關之琳和張栢芝的外貌與氣質，被封「翻版李英愛」的她入行短短一年已有不少工作機會，但情場上卻無人問津。Joy直言不會主動跟男生表白，故經常暗戀男生：「由細到大都冇人追，我都唔知點解，但真係冇，讀書時身邊好多朋友一早拍拖，我仲係冇人追，直到18歲先第一次拍拖。

來港發展

去年來港投身娛圈後一樣冇人追，Joy說：「初來港連廣東話都唔識，去邊度都係跟住同事，唔會亂出街，依家已習慣香港生活，不過，身邊多數都係女仔。」雖然如此，Joy仍享受單身樂趣：「依家都好忙，冇時間拍拖，一星期要學廣東話、跳舞、打功夫，已經排滿整個時間表，感情都係隨緣啦！」

恨做打女

談到工作，Joy坦言希望拍電影做打女：「其實好想試做打戲，依家練緊功夫，（叫公司開戲讓你拍？）唔會咁大想頭！我要先裝備好自己，日後人家就會想起用我。（想拍劇？）都鍾意呀！因為學到更多嘢，再辛苦都唔怕！」

服裝及場地：Bread n Butter

文：呂曉風