歌手鄧穎芝前日撇低男友林師傑，相約女友人於中環high tea，兩女相聚話題特別多，雞啄唔斷地邊食邊傾，至下午5時步出時遇上記者，鄧穎芝馬上露出燦爛笑容兼揮手示意，然後和友人結伴離開。
另外，近年長駐內地掘金的李逸朗，當日亦相約男友人於附近行街，戴黑超及紳士帽的他步入時裝店即不停試衫，不過睇咗一輪，李逸朗最後亦空手而回。
