翠如尋開心冇諗閃婚

藝人黃翠如與黃心穎昨日於將軍澳寶琳出席「2014 FIFA 巴西世界盃特許零售精品店」開幕活動，近日因與蕭正楠傳緋聞而受盡困擾的翠如表示心情「還可以」，有報道指她將秘婚，她說：「自己都似讀者，每日follow劇情，依家版本比想像中豐富。」問她事件發生後，蕭正楠有否安慰她？她說：「OK啦，我都係做呢行，都明白，當故事咁睇。（微博傳情？）唔回應，（想結婚或閃婚？）冇諗過，依家想工作，工作上有未完成嘅任務！（發生事情令你哋行耐啲？）我想維持依家嘅生活，簡單啲，開心啲！」同場的心穎則稱如二人真的拍拖會祝福翠如：「每段感情都有風波，如果係真愛就可以克服。」