苟芸慧啪針 緋聞免疫

藝人陳百祥、苟芸慧及高鈞賢等一眾世界盃主持人昨日於將軍澳出席《2014 FIFA巴西世界盃》宣傳活動，公布無綫在世界盃期間免費播放其中22場的賽事時間表。

緋聞男女苟芸慧、高鈞賢將到巴西主持世界盃，不過苟姑娘將在主球場擔任主持，高鈞賢則會到各地做主持，未有太多的合作機會。二人又打定預防針作準備，高鈞賢透露打了7針，連狂犬病疫苗也有接種，苟姑娘亦打了3針。問二人曾傳緋聞又一起出埠會否尷尬？高鈞賢說：「我哋不嬲都好朋友，唔擔心緋聞再炒作！」至於會否日久生情？二人即搞笑互望，高鈞賢之後說：「成日都對o架啦，可能我唔夠魅力！」

高鈞賢獲大會送蛋糕賀壽，張秀文更作狀獻吻。

阿叻大讚TVB出手夠豪，將出發巴西的他表現興奮。

阿叻讚TVB夠豪

至於星級主持阿叻6月中下旬便出發到巴西，他讚TVB今次豪請他、譚詠麟（阿倫）與李克勤一家去巴西：「內地都有機構請我到巴西睇賽事，不過我自己係流住TVB嘅血，咁當然跟TVB出發啦！」他透露有朋友將會請他與阿倫看準決賽，單是門票已高達十萬元。問阿叻會否擔心當地治安問題？他指各地均有治安不好的地方：「我去過巴西3次，試過夜晚流連沙灘都冇事，唔使擔心，而且有大型活動舉行，當地政府會加強保安。」

苟姑娘在台上自稱不懂足球，阿叻即笑說：「你有好朋友好鍾意足球，啲知識成本書咁厚，你可以問吓佢，不過佢掛住跳舞唱歌（暗指其緋聞男友郭富城）。」令台下大笑。

文：影視組