羅霖收囝囝定心丸 冧爆
前亞姐羅霖作為單親媽媽，趁母親節前夕，與細仔Jonathan齊齊睇展覽、砌積木及打籃球，享受天倫之樂。為答謝母親的愛錫，Jonathan不但自製毛巾小蛋糕及送香吻給媽媽作為母親節禮物，更承諾將來必定好好照顧她，令羅霖甜在心頭。
母親節將至，羅霖專誠帶同8歲大的孻仔Jonathan到挪亞方舟玩樂，共享天倫。他們到不同的展館參觀，關於天文、地理、動物、音樂等等，Jonathan顯得相當興奮，不斷拉着母親與他一同玩遊戲，期間他更大展創意，用小積木砌車、大積木建堡壘，羅霖即時化身助手從旁協助，盡顯母愛。
他們又參與了工作坊，即席製作毛巾小蛋糕，Jonathan把製成品送給媽媽為母親節禮物，又於心意卡上畫上心心，實行我手寫我心！他送贈禮物給媽媽時，更識做地送上香吻，令羅霖冧爆！他們又玩一個名為「大難淋頭」的遊戲，穿上雨衣坐到密室內，室內有四條繩索讓他們選擇拉扯，Jonathan起初顯得有點猶豫，因他不知道拉繩索後會掉落甚麼，但在母親的陪伴下，他終鼓起勇氣拉其中一條，結果掉下一堆膠波；玩過翻尋味的他又即時再拉另外一條，結果有水倒下。兩母子雖然濕了身，卻玩得非常愉快。及後，Jonathan更寫信寄給四年後的自己，他更在信紙的下方畫了媽媽拖着自己的圖畫，非常可愛，足見羅霖在他心中地位超然。
望兒做有責任感的人
參觀完畢後，羅霖更在空地陪囝囝打籃球，他們時而傳球、時而搶球，非常溫馨。羅霖表示自己很喜歡抽時間與囝囝四處遊玩，但同時亦堅持親力親為替兒子溫習功課。她坦言今年已是第二年過單親的母親節，心情上已平復了不少，並表示：「今年已經冇乜嘢，反而上年多啲壓力，因為擔心啲小朋友。」問到是否把所有希望寄託在囝囝身上？她說：「咁又唔係，自己都要有夢想、要有自己事業。其實我冇諗過要三個仔養我，最緊要係佢哋健康成長，做個有責任、會照顧家庭嘅男人。」而在旁的Jonathan即向媽媽派定心丸，表示將來必定會照顧媽媽，氹得羅霖笑逐顏開。
文：名人組