張嘉兒包面變V煞不再豬扒
曾有「豬扒港姐」之稱的張嘉兒昨日出席活動時狀態大勇，包包面變V煞面，成功踢走「豬扒」之名！她否認整容，自言2007年選港姐時已是V煞面，只是某些相片角度問題，更介意被封為「豬扒港姐」！
前港姐冠軍張嘉兒昨日與曹敏莉、唐麗球、梁小冰等出席慧妍雅集活動，嘉兒身形明顯比前弗，她稱因最近與朱凱婷及對方女兒平均一星期游兩次水。提到她臉形比前尖，她說：「係運動成積，我冇整過，真係冇，唔鍾意被人話我整過。我有學化妝，好努力去改善自己。睇番我2007年參選啲相都V，但有啲登出嚟都好包，係角度問題。」
唱功獲讚
嘉兒坦言介意被封「豬扒港姐」：「信心都有動搖，依家希望鍾意自己嘅人都會繼續支持我。」她又透露早前參加《星夢傳奇2》面試，唱了兩首歌，其中一首是分手快樂，評判更讚她唱得幾好。
已是第二年擔任慧妍雅集會長的曹敏莉表示，為該會籌備慈善晚宴已幾年，今年是幫助小朋友，主題類似馬戲團。她又透露當晚請了林子祥做嘉賓，一班港姐亦會在開場時巡遊及唱會歌。
文：名人組