變性Poyd獲力捧 取代江若琳
泰國變性人Poyd標榜性感無底線得以吃香影壇，當她加盟寰宇旗下即受重用，適逢同公司的江若琳鬧出合約糾紛，令Poyd暫成受益人，更以七位數接拍內地驚慄片，與孟瑤齊鬥性感。
泰國藝人近年入侵內地市場，在港片《掃毒》中跟張家輝一啜成名的變性索女Poydtreechada（Poyd）尤其吃得開，簽約寰宇即被老闆林小明視為頭號愛將，安排她在大中華市場大展拳腳。
改名寶兒
最近Poyd改名寶兒，跟譚耀文合演內地驚慄片《泰戀》，近日已投入拍攝工作。她在片中會慷慨地大晒玉背，被同片拍檔孟瑤讚又靚又可愛，就算被對方搶風頭亦不介意。據知，Poyd接拍《泰戀》的酬勞達七位數，雖然她家境富裕，但為闖一番事業決定搏到盡。不介意裸露的Poyd目前正被多套新片招手，當中不乏動作片，稍後獲安排練武，隨時加入打女行列。由於寰宇與江若琳鬧出合約糾紛，公司目前資源自然落在聽教聽話的Poyd身上。
話頭醒尾
Poyd突然成搶手貨，《掃毒》導演陳木勝對她讚不絕口：「佢好叻！本身佢唔係演員，但都好有演戲天分，可以話係話頭醒尾。喺片場我哋都係講廣東話，佢雖然唔明，但都可以get到我哋意思，我哋要乜佢都明。」一向拍開「男人戲」的導演林超賢笑言知道Poyd是誰，不過他稱：「我拍男人戲，唔好話係佢，搵個全裸女仔我都冇興趣拍，呢個任務交番畀陳木勝，叫佢開拍《掃毒2》。」
另外，泰國電影《嚇鬼阿嫂》男星Mario Maurer跟內地女星黃聖依合作新片《匹客王》，兩人正於新加坡開工。而羅嘉良亦接拍中泰韓三地合作新劇《守住你的秘密》，跟泰國著名男星PingNawat合作。
文：外娛組
`