宋芝齡主攻美容生意

藝人宋芝齡昨日在銅鑼灣出席護膚品牌活動。訪問時談到早前譚小環頂了她在銅鑼灣租的舖位，她就指因業主加租，加上母親回韓國打理餐廳，所以結束韓食生意，但她仍想挑戰飲食業：「做咗小食店之後我就鍾意咗韓國菜，平時就食多，跟住發覺又要發酵又要醃，覺得好有挑戰性。」問有否考慮轉戰工廠區？她坦言有考慮：「嗰度都好多餐廳。」不過她指現時主力宣傳韓國美容品牌，同時又要經營韓文學校，另外又要一路拍拖一路為無綫工作，實在分身乏術。