徐子珊袋7位數 「胸」狠出擊

徐子珊昨日以低胸泳裝，幾近中門大開示人，非常性感，出場時由兩名猛男傍實，同場播出子珊身穿比堅尼打排球的電視廣告。子珊笑言有猛男陪出場令她相當尷尬，已有一段時間沒有拍攝纖體廣告的她表示對酬勞滿意，達七位數字，又感謝美容院無限贊助療程，笑言令她「慳好多」！

提到有報道指她今次以酬勞三百萬元成為代言人，她澄清說：「報道邊可以信o架！不過對酬勞滿意！多謝佢哋宣傳預算比較多，平面同電視廣告都有，呢啲對藝人都好重要！（七位數？）有，不過我諗我去做療程都做凸！」

由兩名猛男傍實的子珊笑言好尷尬！

徐子珊在廣告中Sell健康性感。

見面唔尷尬

有指子珊接鍾嘉欣捧成為代言人，令二人的粉絲掀起罵戰，她說：「報道寫啫！多謝嘉欣將形象做得咁好，有正面效果，多謝佢哋搵番TVB artist，公司開心，大家都好開心！（靠性感踢走嘉欣？）唔係，品牌冇要求，最緊要健康。（見到嘉欣會尷尬？）唔會！呢啲嘢成日喺公司發生o架！」

此外，有指劇集《西遊記》收視未如理想，無綫安排由子珊孭飛的《點金勝手》緊接《女人俱樂部》結局後播出助提升收視，她說：「咁睇得起我呀！我o靚嚟o架咋！不過我好開心，拍完嘅劇咁快出街，今次角色有得發揮！」她表示未有時間看《西遊記》，故不作評論。

文：影視組