丁子峻生日2千萬上海置業
已移往內地發展多年的丁子峻，原來星途與錢途同樣不弱，近日更斥資2千多萬人民幣，於上海長寧區購入一所2千多呎的豪宅自住，地點靜中帶旺，出入方便，生活認真優哉游哉！他與太太吉祥更花上過百萬人民幣裝修，家居主題以美式為主，自稱「住家男人」的子峻更落手落腳DIY布置，於露台自設「園林實景」，又不時插花美化環境。
多謝朋友送禮
這位「隱形富豪」談到購入豪宅一事，竟輕描淡寫謂：「都係送畀自己嘅生日禮物啫。（好有錢？）唔好咁講，我嘅事業一直都穩步上揚，托賴呢兩年開製作公司，投資拍嘢賺到啲啦，塊塊磚撞埋去都有血有汗，辛苦錢嚟，仲要多謝好朋友送咗好多啱用嘅入伙禮物畀我。」
生B順其自然
子峻不諱言搬新居公、私兩面都有得着：「自己住得舒服啲之餘，以後可以叫工作團隊上屋企開會，大家可以做夜啲又冇咁拘謹，咪當home office囉。」昨日牛一的他表示生日願望是自己及身邊人個個身體健康，至於生B問題，子峻表示會順其自然。
文：影視組