趙嘉懿溫馨親子肚頂肚
臨盆在即的名模趙嘉懿（Carrie），日前與老公及兒子拍攝大肚寫真兼全家福，大晒溫馨。Carrie與老公更以半裸上陣拍攝，她稱原本預埋兒子齊齊無上裝影相，但因兒子剛病愈，為免再冷親才打消念頭。
腹大便便的Carrie距離預產期還有一個月，為留下懷孕期的美好回憶，日前她與老公及兒子Marcus到影樓拍寫真，並順道影全家福，由於三人默契十足，只花了個半小時便完成拍攝，當中有不同造型，包括三人穿上鮮艷服裝的開心家庭照，也有Marcus與Carrie肚頂肚的搞笑相，還有Carrie與老公半裸擁抱的甜蜜照，幸福滿瀉。
囝囝出鏡有潛質
Carrie深感大肚過程奇妙，故希望留下照片讓BB長大後重溫，她又大讚兒子乖巧，沒有搗蛋，拍攝過程十分順利，她說：「Marcus好鍾意影相，而且影樓有遊戲機玩，我同佢講影完相就可以玩遊戲機，所以佢好合作，連攝影師都讚Marcus專業，好有做模特兒潛質。」其中一個造型Carrie只穿內褲上陣，身為專業模特兒的她自言不會感到尷尬：「我有貼乳貼，而且大部分工作人員都係女仔。」
生女再影全家福
她笑言原本構思連囝囝也赤裸上陣：「我覺得三個人都半裸影相，應該幾得意，但Marcus啱啱病好，唔想佢冷親，所以最後都冇。（囝囝見到你同老公都唔着衫，會唔會覺得好怪？）唔會，佢可能比較潮，而且佢見慣我同老公好sweet，所以OK。」Carrie稱計劃待女兒出世後，會一家四口再拍照。
文：名人組