Amy否認接客：畀條生路
性感組合AD2成員Amy被讀者爆料揭「五宗罪」！有指Amy曾在尖東坐枱，每小時收費達$2,500，更曾要求前成員Aily到大陸接客，導致二人不和拆夥；又爆AD2曾於二月到韓國「由上至下」整容，包括開眼線、隆鼻、削腮骨以及隆胸，Amy更謊報年齡實際是34歲，日前更有雜誌報道指她獲已婚富二代出錢搞生日P，該報道見街後更導致富二代太太不滿鬧離婚！
富二代係朋友
Amy接受本報電話訪問回應多項「指控」，對於坐枱傳言她表示：「冇做過嘅嘢，唔怕人講！唔知Aily有冇接客，佢咁做我亦冇得益，拆夥係因為性格不合。」而對於富二代出錢搞P一事，Amy再三強調是普通朋友：「其實嗰晚係一班朋友慶生，我唔想再講喇，畀條生路大家，佢哋唔係圈中人！（知人哋有老婆？）普通朋友，冇熟到咁。（佢哋畀錢搞P？）冇咁嘅事，我只係同雜誌講過『有人出錢請我玩冇所謂』囉！」
拒提真實年齡
對於報細數一事，Amy回應含糊不清：「我報街21歲。（唔係34歲？）如果我34歲仲有咁嘅樣同身材真係要還神！」記者再次追問時，Amy則表示自己是「廿中」，問會否出示身份證還清白？Amy強調想保持神秘感。而對於赴韓整容傳言Amy未有直接否認，更表示會在適當時間說明，並邀請記者揸胸驗身，Amy更笑言有人指她激似黃夏蕙，她大讚夏蕙姨保養得宜，更不介意與她相似。
文：影視組