Kay戀張繼聰：都係奇聞

歌手謝安琪昨日為內地速配節目宣傳，Kay表示身邊不乏筍盤，笑言大家可以報名一試，不過，Kay就話自己戀愛經驗少，不會擔任愛情導師，至於哪一類男士會令Kay加分？她即笑言：「婚都結咗，仲講呢啲？不嬲冇特定喎，係鍾意就鍾意成個人。」那麼老公張繼聰有何吸引之處？Kay就話鍾意笑容燦爛的男人，不過她就坦言：「佢嗰陣戴烏蠅眼鏡，睇得唔清楚，但其實我同佢無啦啦拍拖都係奇聞！」

絕不過檔華納

提起老公，Kay愈講愈冧話：「佢係用猛烈攻勢攻陷我的心，佢好體貼、細心、有耐性、日日接送、send短訊、送小禮物、同我傾偈、寫歌唱歌，樣樣做到足，結咗婚都冇走樣！」

張繼聰與謝安琪結婚多年依然恩愛，羨煞旁人。	張繼聰與兒子都是謝安琪心目中最重要的男性。	謝安琪自言戀愛經驗少，無法向參加者提供心得。

對於華納收購金牌大風一事，同金牌有約的Kay就斬釘截鐵話絕不過檔華納，又話：「我同金牌只係簽咗一張國語碟合約，依家宣傳期都過咗，今次轉手對我冇影響。」

另提到Kay早前辭演澳門騷，有指演唱會節目製作及策劃朱明銳會作出追究，Kay就解釋：「本身有內地商演所以唔得閒，呢啲嘢公司會處理，唔擔心。」

文：音樂組