王宝宝拒絕出賣自己
李思捷前女友王宝宝（春卷）早前為拍自資拍攝的短片身穿內衣追電車，成為熱話，遠在新加坡、泰國及英國的朋友也看到報道，朋友反應各異，有人覺得她好勇，大表欣賞，亦有人覺得她傻，出錢玩自己！
宝宝認為今次只是小兒科：「又冇接吻鏡頭，又冇床上戲，好似《色，戒》嘅尺度我都接受到，因為我向來睇開性同暴力嘅電影。」
目前正剪接短片的春卷，又寫了兩個劇本，希望有機會拍成電影，她有將劇本交李思捷過目，他還叫宝宝讓劇本給他拍，但為她所拒。宝宝自認向來積極，無論角色大小都會努力爭取，像《喜愛夜蒲3》的角色也是她自向導演錢國偉自薦得來，但她強調絕不會出賣自己換取角色：「其他人接受就去做，但唔好以為做咗冇人知，做就要預咗有人知。」她笑言可接受去飯局，不過絕不會有下文。