Yumi亂哭貓喪 Ivy寸抽水

尹蓁晞承認不是貓主，但視Dundee為兒子。

周秀娜前男友陳偉成（Avis）現任女友Yumi，大前日在微博自爆愛貓Dundee失蹤，事後證實Dundee從68樓窗花墮斃，惹來大批網友插爆她是不負責任貓主，原來事件另有內情，除了爆出Yumi未有關上廚房門，令Dundee進入爬出窗口釀成意外，間接害死貓咪。最離奇是該貓原來是同居姊妹Ivy所養，Yumi根本不是貓主，令人懷疑有人借機抽水製造話題。

當正自己係貓主

真正貓主Ivy自從Dundee身亡後，不停在社交網站上載爆喊相，甚至連貓屍都有，昨日記者致電給她，她全程爆喊更暗寸Yumi博見報：「隻貓係我嘅，唔明點解有人當係佢自己，仲將相擺上網！」姊妹決裂因而爆發，Ivy續說：「我平時唔會開窗，除非要煮食，當日Yumi煮完嘢食唔記得閂廚房門，跟住我就聽到廚房有異響，本來以為Dundee百厭，點知出事。」她正忙於安排愛貓身後事，可會認為Yumi害死Dundee？不過Ivy卻說：「好姊妹一場，都知佢冇心。（會唔會搬走？）依家心情好亂，尋日（前日）先執番條屍，暫時唔會住。」據知，Ivy早年患上抑鬱症，養寵物令她精神得到安慰和寄託，今次慘劇令她十分傷心。

Yumi與Ivy（左）共住共玩，還一齊游水。	愛貓墮斃，貓主周曉彤終日以淚洗面。	放大圖片

• 尹蓁晞認為貓咪墮斃全因自己大意疏忽釀成意外，亦否認乘機抽水。（資料圖片）

唔尷尬互相扶持

至於「偽貓主」Yumi在電話中受訪時說：「其實隻貓係Ivy嘅，但我同佢係好朋友，又一齊住，同Dundee日日見，我都當佢仔咁，大家都有份養佢。件事大家都唔想，我真係冇為意道門未關，一切都唔係故意，係意外。（同Ivy見面會否尷尬？）梗係唔會啦，呢個時候大家要互相扶持。（送番隻貓畀佢？）唔會喇，反而要照顧多啲其他動物。（畀人話你抽水？）好無聊，冇話抽唔抽水，唔回應喇！」Avis則說事發後有幫手搵貓，他會安慰二人，又不認為女友借貓抽水：「呢個一定唔會係事實啦，佢兩個好似姊妹咁。」