Ana R.性感睡衣氹夫生B

名模Ana R.、余文樂緋聞女友Ase Wang（王惠敏）昨日出席商場活動，提到Ana早前把在家中拍的性感睡衣照放上網，並被網友激讚。問她在家是否常穿性感睡衣？她笑言：「我鍾意着性感衫，我老公Brad都鍾意我咁着。（增加情趣助生B？）都有幫助，不過唔係淨係為生B。」

讚老公夠健康

Ana透露自己已做了血液測試，並時時喝補湯及做運動，為生B作好準備。問到老公Brad有否進補？她說：「我淨係知男人要食好多維他命，不過我老公又唔煙、又唔酒，佢應該仲健康過我。（你有冇戒酒？）我依家已經戒咗飲汽水、豆奶同牛奶，因為我腸胃好敏感。」她坦言非常期待BB的來臨，希望來年能造人成功。

Ana R.上載性感睡衣照，獲網友激讚。

王惠敏坦言與樂仔分隔兩地，感情發展有難度。

Ase樂仔玩曖昧

而同場的Ase於instagram上載了「留意你身邊邊個為咗你開心而開心，傷心而傷心。佢值得佔你心中一席位。」緋聞男友余文樂（樂仔）更給她留言：「你講緊我？哈哈」，非常曖昧。問到樂仔在她心中是否有一席位？她說：「我唔可以講將來，不過目前我係單身。（如果佢追你會唔會接受？）我唔知，依家我哋係朋友，順其自然。（佢今次畀暗示你？）我哋好鍾意互相開玩笑，一向都係咁相處，佢嘅回應都好係佢嘅風格，我唔覺得有驚喜。」她坦言兩人有經常聯絡，但由於分隔中、港兩地，故關係難有大突破。

文：名人組