48歲李麗珍少食多瞓保童顏
現年48歲的李麗珍（珍妹）風采依然，身材、樣貌仍具吸引力，於新劇中，珍妹瞓身一字馬演出，更不介意玩制服誘惑、濕身上陣。而駐顏有術的珍妹，更自爆每日最少睡十小時，飲食方面亦相當節制，力保童顏。
李麗珍保養得宜，新劇《女人俱樂部》於下周播出的劇情中，她會穿着校服，以少女feel打扮跳舞，拍攝口服液廣告，雖然已甚為誘惑，但她的「腿張開」瞓身一字馬一出，果然寶刀未老！為了令造型更有「韻味」，劇組更要求珍妹濕身、不停fing着一頭濕髮，監製陳維冠坦言跳舞戲確實難倒珍妹，拍時她都表現落力，認真辛苦。而珍妹於專訪中被大讚fit爆，又自爆駐顏有術，每日最少睡十小時，平時更會競步，飲食方面也相當有節制，她說：「如果食多咗一、兩日，我就會成日上磅check住，之後又罰自己食少啲，依家大約keep住104磅。」
袁潔瑩對Bosco嗒糖
此外，飾演高官女強人的袁潔瑩（Fennie），與上司「世紀賤男」鄧梓峰玩偷情，男方每次見她都只為「上床」，下周劇情指鄧梓峰與Fennie相約餐廳吃飯，賤男鄧梓峰竟然問她：「點解唔book房？」對白爆笑。
現年44歲的Fennie受訪時自爆對「男神」黃宗澤（Bosco）一見鍾情，擦身而過已被對方魅力深深吸引住。說到Bosco不介意「姊弟戀」，記者笑指她也有機會，Fennie笑謂：「我欣賞佢唔代表鍾意佢。（接受姊弟戀？）唔可以相差太多年囉，試過有個男友細兩年，但冇咩必要我唔要畀男人蹧躓，亦唔需要有個『細佬』服侍我。」她又爆於17歲、22歲時獲求婚，但就表示早已沒想過要結婚，說到生小朋友，她反應甚大表示：「吓！你覺得我依家仲會諗生仔？no！我從來都覺得自己好難搞，點會咁冒險生個BB蹧躓自己！」
文：影視組