寰宇追究違約 江若琳冇有怕

藝人江若琳與寰宇公司合約糾紛仍未解決，雖然昨日是江若琳與寰宇公司十年合作期最後一日，但雙方為往後合約期限問題依然爭持不下，令關係更急劇惡化。日前，寰宇公司向江若琳發出律師信和附加文件，據知，當中包括一份由錢國偉（Wilson）執導的電影《辣警霸王花》合約及一份合約文件，寰宇要求江若琳在限期內簽名確認，更指若拒絕簽署，寰宇有權追究她為公司帶來的損失。

賠償金額涉千萬

回覆限期昨日屆滿，記者聯絡寰宇公司高層林小強，他表示：「江若琳冇簽到份電影合約。另外，佢完成咗頭10年嘅工作，但堅持餘下5年嘅工作唔需要履行，咁擺明就係違約！依家我哋交畀律師處理，如果需要打官司我哋會打到底，追究到底。每個人都需要尊重合約精神！」據知，5年合約期的違約金額涉及8位數字，林小強說：「呢方面冇回應，交晒畀律師處理。」另外，記者昨日追問江若琳與公司的關係有否新進展時，她回覆：「交晒畀律師處理，冇回應。」

林小明（右）與江若琳數年前簽約時同一陣線，豈料今日兩人勢成水火。

林小明或需無奈與昔日愛將對簿公堂。

錢國偉早有後着

《辣》片導演錢國偉對於江若琳拒絕接拍一事，坦言感頭痛，他說：「不過佢冇陳靜（DaDa）嗰件事咁傷，當日DaDa係突然間消失咗。而今次我哋係有後備計劃，除咗江若琳，我哋仲有其他有知名度女星參與，但仲未曝光啫，之後先會公布。我哋仲有一個月先開拍，依家會再改良劇本。」至於《辣》片監製黃永峰則表示與寰宇公司關係一直良好，事件不會影響雙方關係，亦不會要求寰宇作出賠償，他說：「不過用唔到佢公司藝人都感到可惜，希望下次可以再合作。其實電影有好多獨立角色，日後有演員加入都不存在執二攤的說法。」

文：影視組