周子駒晒廚藝恨做老闆

向來下廚有一手的主持人周子駒（Cyrus），拿手小菜多籮籮，他希望有朝一日做餐廳老闆：「一直都好想開一間屬於自己嘅餐廳，size大定細、咩國嘅嘢食都冇所謂，但就應該唔會自己煮，不過做生意計劃要周詳。」雖然進軍美食行業大計要諗一諗，但手癢的Cyrus已忍不住即席獻廚藝，示範整三文魚他他及焦糖布甸。
廚藝出眾的周子駒希望開餐廳做老闆。
廚藝出眾的周子駒希望開餐廳做老闆。

提到為何一個男生會識「煮飯仔」時，Cyrus笑言一切由學習「求生」技能而起，他表示：「細細個煮嘢食係求生技能，因為爸爸媽媽唔喺屋企，我要湊埋妹妹，如果唔整嘢食兩兄妹就冇得食，所以做哥哥嘅我點都要煮飯。記得有一次我煎豬扒落咗好多糖，搞到成塊扒燶晒，但妹妹竟然話好好味，令我好感動！」

周子駒親手製作的三文魚他他令人食指大動。
  • 周子駒親手製作的三文魚他他令人食指大動。