鄭俊弘淚灑sing途
無綫藝人鄭俊弘（Fred）去年憑《星夢傳奇》一炮而紅，回想無人識年代，也經歷多番辛酸，難怪收到新歌《無名氏》時，其應景歌詞也令Fred當堂「喊出嚟」，認真慘豬！
鄭俊弘（Fred）去年憑着無綫節目《星夢傳奇》彈出，其後即一夜成名，並得到不少演出機會。最近，Fred終於推出首支派台歌曲《無名氏》，難怪他一收到此歌時，立即百感交集：「開頭聽到首歌，覺得有童話世界嘅感覺，好似一個夢境有旋轉木馬。之後隔幾日再收到份詞，即刻咇咗好多滴眼淚，因為佢講晒我嘅心聲！」
最感激公公
談到還是「無名氏」時，Fred亦指曾感到沮喪，幸好他得到身邊人的支持，才能令他勇敢走下去：「第一個人要多謝嘅係我公公，因為由我出世開始，就係我最大嘅支持者！之後就係我屋企人，繼而係支持咗我好耐嘅粉絲，曾經聽過有粉絲話喺我拍劇集《心花放》嗰陣就已經支持我，真係好感動！」
力讚鄧紫棋
由於Fred是歌唱比賽出身，當提起鄧紫棋（G.E.M.)參加內地節目《我是歌手2》時，他亦大讚對方才華橫溢：「我好Proud of佢，身為香港人都有咁高嘅音樂水準，然後上到咁犀利嘅節目！」問他會否想跟G.E.M.合作時，Fred說「好想呀！因為我好佩服佢，佢好勤力Keep住身形，又同時兼顧演唱會同比賽，真係超人一樣！」
服裝：Armani exchange
結他：柏斯琴行
文：文珊
攝：沈健程