馬國明食檸檬冇得咀

馬國明、周麗淇（Niki）昨日於電視廣播城為劇集《流氓皇帝》拍攝，只見一臉疲態的馬國明於化妝間內瞓到擘晒口，事後他表示因為趕拍攝，故只瞓得兩、三小時，提到之後此劇會於佛山拍攝外景兩星期，馬國明坦言到時會帶很多杯麵前往，做好準備，他又指劇中要有當街寫大字的場口，更要有九龍皇帝的獨特風格，故會找替手代寫。

「天然呆」單身有因

此外，馬國明又無奈表示有要求加插與Niki的咀戲，但慘食檸檬，遭Niki拒絕。而Niki被問到此時，就坦承有此事，更指馬國明經常表示要加咀戲，她笑言：「第一次合作先知原來佢係咁，本身以為佢係『天然呆』，佢第一次哄到好埋同我講嘢時，搞到我面都紅，好尷尬。」記者建議她不如給馬國明錫一、兩次「應酬」他時，Niki即謂：「咁又唔得，我怕會傳緋聞，其實我已經有方法對佢，就係請佢食糖，佢見到包糖雙眼就發晒光。」之後她又大彈馬國明識女仔的招數既舊又悶，難怪一直單身。

文：影視組