鄭希怡賣衫接逾百訂單

歌手鄭希怡（Yumiko）投資7位數字的時裝網站昨日正式上線，新任老闆娘接受訪問時即報喜：「開賣3小時就有過百訂單，啲email多到我電話爆咁滯，真係好開心，反應咁好，我打算兩個星期後再推出令大家『嘩』一聲嘅新貨，（係咪由你親自演繹嘅泳衣或內衣？）可唔可以唔使我演繹，我年紀仲細咩？」又說6月會親到巴黎搜羅新貨推出市場。
鄭希怡親自為網店示範新裝。
鄭希怡親自為網店示範新裝。

Yumiko為慶祝網站開售，特別和工作夥伴舉行簡單的剪綵儀式，更要多謝好姊妹鍾欣潼（阿嬌）出錢出力穿上她時裝店的衫上台做騷，幫她免費做宣傳，問她如何報答好友？她笑說：「阿嬌嗰啲熟朋友可以嚟我屋企試衫，我送埋香檳同cupcake，令佢哋有光臨名店嘅感覺。」

鄭希怡喱士透視裝騷性感。
  • 鄭希怡喱士透視裝騷性感。
阿嬌幫襯好友買衫，更着埋上台做騷，免費宣傳。
  • 阿嬌幫襯好友買衫，更着埋上台做騷，免費宣傳。