陳妙瑛有戲癮只怕捱夜

陳妙瑛現時一直在商界發展，是一位成功的女強人，之前除了美容、化妝生意做得出色外，在飲食生意方面，亦上了軌道，分店開了一間又一間。

阿倫洪金寶捧場

日前，她有份投資的飲食店於元朗開幕，向來在娛樂圈人面甚廣的她，更請來好友阿倫、洪金寶、范振鋒等前來撐場做剪綵嘉賓，不少街坊知道他們會現身，都來趁熱鬧，近百個花籃更逼爆整條行人路，現場水洩不通，非常熱鬧。

阿倫喜歡品嘗美食，親自到場賀老闆娘陳妙瑛。	陳妙瑛圈中好人緣，洪金寶（左）亦到賀。	范振鋒亦有開食肆，乘機向陳妙瑛取經。

昨日記者致電給妙瑛時，她坦言剛到新店「江南美廚」巡視業務，問會否再向其他生意進發時，她謙稱謂：「其實喺澳門都有做朱古力、乳酪店，（做飲食天后？）唔係，未有咁多諗頭住，依家同好多專業拍檔一齊搞，希望實在啲先。（繼續做美容天后？）依家化妝學校依然喺巿場好活躍，好多大公司都有搵我哋，會keep住努力。」

中央台曾邀拍劇

此外，有不少前無綫女藝人現時都拍劇過戲癮，問妙瑛有否戲癮大發？她表示前年中央電視台都曾找她拍劇，坦言有興趣，不過她亦不諱言：「興趣係有，但驚體力唔夠，以前拍劇一日瞓兩、三個鐘，依家再拍唔知點。」

文：影視組