鄭多燕港騷滯銷 韓星鄉里義助
「亞洲塑身女王」47歲的韓國美魔女鄭多燕，憑健康舞愈跳愈紅，但本月的兩場跳唱會竟告滯銷，據知門票只賣得三成！主辦商老闆孫敬安坦承銷情未如理想，但承認有韓國藝人無酬助演外，無論銷情如何，也會將跳唱會做到最好！
鄭多燕於本月9及10號開兩日《鄭多燕萬人熱辣Show》，雖有阮兆祥、陳嘉佳（細細粒）、楊詩敏（蝦頭）等做嘉賓力撐，但據悉門票只賣到三成，估計蝕近二百萬元！現時舉辦商密謀「谷票」大計，表演加「料」、宣傳谷「行」，而據悉主辦商、馬天尼集團董事長孫敬安早前到韓國時，更獲數間知名事務所表示願派出藝人包括韓國人氣組合Girl's Day及Davichi等無酬義助。
獲幫忙感動
昨日記者致電孫敬安時，他坦承賣飛不理想：「內容會更充實，祥仔會扮Psy跳舞，小寶亦會獻唱終身美麗，而蝦頭亦會獻唱跑步機上！」他指演唱會事前甚少會公布表演內容細節，但因銷情不理想，惟有公布節目設計細節，希望刺激更多觀眾入場，至於是否有韓國藝人無酬義助時，他說：「係有幾間事務所表示願意免費提供歌手，但因為跳唱會時間有限，唔可以超時，加上節目早已經編排同決定好，最後只好婉拒。呢件事令我深深體會到韓國藝能界好團結、好齊心，令我好感動！」問到他實際賣飛情況及會否擔心蝕錢時，他說：「目前統計嚟講賣唔夠一半，但製作演唱會係長線投資，有賺有蝕，最重要係做好同做足。向購票入場的觀眾和贊助商有交代。」
蝦頭願性感
而有份表演的祥仔、細細粒及蝦頭，表示未知售票情況，問到有否妙計時，祥仔笑言：「不如細細粒同蝦頭賣性感，我就真係賣God！」惟細細粒即時「推波」：「叫蝦頭賣性感，谷谷事業線！」而蝦頭笑言賣性感可以考慮，但指細細粒更有事業線。而跳唱會監製錢國偉表示：「會有Super Gear成廿幾位少女表演，佢哋仲會同鄭多燕一齊跳舞。」
文：專案組