藝人袁潔瑩主演的無綫劇《女人俱樂部》正在播出，她表示夜晚有上網收睇，問到會否逐步復出拍劇？袁潔瑩直言雖享受拍戲，但怕攰不能捱夜：「如果凌晨12點收工我就拍，依家我瞓得好多，尋晚夜啲瞓，今朝都嘔。（有咗？）飲奶茶就有咗就好喇！其實之前（退出）因為身體支持唔住，今次角色幾輕鬆，但好多時拍到4、5點，我已一把年紀，拍15個鐘好辛苦。」此外，《女》劇上周平均收視26點，《愛我請留言》結局周平均26點，最高28點。
