吳彥祖親親大自然除心魔

吳彥祖（Daniel）日前接受東網《娛樂onShow》主持人陳振安訪問，大談自己在拍攝《魔警》時的辛苦經歷。他坦言「王偉業」這個角色是從影以來最辛苦，不但要進行地獄式訓練激減30磅，為了投入角色，更要長期處於抑壓狀態。他說：「因為有心靈上同埋身體上嘅挑戰，我為咗呢套戲瘦咗30幾磅。今次個角色嘅心靈世界好複雜，要代入個世界係好辛苦，所以一拍完第二日我就即刻飛去南非，一個好大自然嘅地方，去清走心中嘅抑壓。」

為迎接前所未有的挑戰，Daniel事前做足功課：「我訪問咗好多心理醫生，同時我又搵咗個曾經有精神分裂嘅人，去同佢傾吓人生經歷，令我去認清個角色。」

與影帝張家輝鬥戲的吳彥祖未有被比下去。	吳彥祖接受陳振安訪問時暢所欲言。	吳彥祖很慶幸可以娶到善解人意的Lisa S.。

承認有黑暗面

拍戲拍到差點患上情緒病的Daniel自爆一直是思想黑暗的人，深明世界無公平：「我覺得每個男人都一定黑暗面，如果全世界都係女人做總統就唔會打仗。因為女人生仔，就會明白生命有幾重要。我內心係偏向去諗黑暗嘅嘢，有少少顛覆同憤怒，可能呢一種憤怒係我身為唐人喺美國長大成日被人歧視，明白世界唔公平。」

多謝老婆體諒

Daniel拍攝《魔警》時，正值太太Lisa S.剛剛懷孕，由於要投入黑暗角色，無可避免將負面情緒帶回家中，幸好老婆沒有埋怨，還處處體諒，令他非常感動，多次在節目中激讚老婆。想知詳情，那就要收睇東網《娛樂onShow》！

髮型：Alex Chan@ fifth

化妝：Jane Leung

場地：The Metroplex

服裝：Sacai, Diesel

文：專案組