吳孟達暴瘦24磅唔見千萬
吳孟達早前因細菌感染引致心臟發炎，情況一度嚴重到需入ICU接受治療，幸最終無大礙！經過一番調養後，昨日，吳孟達接受本報訪問，大病後首度現身的他，精神奕奕，狀態不俗，不過，身形明顯消瘦，雙頰亦帶點凹陷，達哥亦坦承自己瘦了很多，由上月尾發病入院到本月初出院短短一星期暴瘦11公斤（24磅）：「因為我心臟發炎導致依家心臟會大咗少少，醫生每日限我飲900cc水，一飲少咗水，個人就瘦咗，由79公斤跌到去68公斤！（有冇戒煙？）有，食咗幾十年煙，一入院就無再食，依家煙酒同我冇關o架嘞！」
與老友飲茶
由於少喝水，令達哥曾出現便秘的情況，現醫生開了纖維丸給他，情況得以改善，只要悉心調養，休息大約半年左右，身體便可康復，自患病消息傳出後，一向人緣甚佳的吳孟達，當然收到一班老友記的問候，昨日更與駱應鈞夫婦以及葉尚華夫婦飲茶，達哥感謝老友們關心之餘，亦為前日突傳死訊大感無奈，達哥表示：「呢兩日收到好多電話問我呢件事，多謝大家關心，最緊要同大家報個平安，我冇事。」
月底做評審
演技精湛的吳孟達，一向是影視圈搶手藝人，今次不適令達哥推掉不少工作，吳孟達表示：「係吖，除咗月底要去遼寧做電視節目評審推唔到之外，已經推咗一啲劇集同電影，（損失幾百萬？）唔止啦！」
文：影視組