鄭俊弘搞喊細路不知所措
藝人鄭俊弘（Fred）、Bob、小寶、何雁詩、黃智賢、朱慧敏等昨日分別於四個商場出席《復活彩蛋Super Show》活動。Fred現身時人氣強勁，吸引不少街坊圍觀，逼爆葵涌商場，但有小女孩因緊張，一上台便哭起來，令Fred不知所措，場面搞笑！現場有粉絲指希望Fred能在年尾樂壇頒獎禮奪得新人獎，但他就謙稱：「好多嘅鼓勵，但我唔諗咁多住啦，出咗碟先！」而在彩德商場出席相同活動的何雁詩，亦期望和Fred在年尾齊齊橫掃樂壇新人獎。
情傾小寶變靈異片
Bob和小寶在海麗商場亦有與一眾小朋友玩遊戲，但Bob就被小妹妹將貼紙貼在額頭上，非常爆笑！Bob透露正忙於拍劇《老表，你好Hea！》，最後會情傾小寶：「你話係咪鬼揞眼？竟然揀咗小寶，我覺得呢套唔係喜劇，係靈異恐怖片！」對於被指早前與安德尊不和，Bob表示兩人其實很老友，可能講笑時被別人以為鬧交，小寶就大爆在《老表》內，跟Bob有大膽床上戲。
而張頴康、朱慧敏、徐榮則現身梨木樹商場，下月將榮升爸爸的張頴康，表示心情緊張，更常與陳豪傾湊仔經偷師，朱慧敏、徐榮常一起做慈善活動，感覺自己有社會責任，盼能帶給別人更多溫暖。
文：影視組