高海寧 許亦妮踩場搶風頭
一代女神李麗珍、李若彤、張慧儀、袁潔瑩、陳慧珊、葉蘊儀、江欣燕等前晚盛裝出席劇集《女人俱樂部》首映會，卻被眾小花踩場搶鏡，除了眾少女角色低胸晒青春本錢，無綫兩大「咪神」許亦妮及高海寧分別以谷胸及大露背上陣，實行「以小欺大」！
「M Club七女將」李麗珍、李若彤、張慧儀、袁潔瑩、陳慧珊、葉蘊儀和江欣燕前晚盛裝出席劇集《女人俱樂部》在戲院舉行的首映會，一班撐場的「後起之秀」毫不輸蝕，谷胸許亦妮及大露背高海寧最搶鏡，幸好袁潔瑩的一襲綠色透視晚裝透出粉紅色花花黑bra及黑底褲，成功挽回不少焦點！向來人緣極佳的曾志偉首套監製劇獲得不少圈中好友如戚美珍、洪天明、錢嘉樂、方力申、梁烈唯等特地捧場，氣氛熱鬧。
李若彤吻賀志偉
席間，大會推出蛋糕為本月生日的志偉及陳維冠慶祝，李若彤、葉蘊儀、江欣燕應司儀羅鈞滿要求，向二人面珠印上「Birthday Kiss」。
首映會上播放了30分鐘劇集精華片段，只見李麗珍要情挑吳啟華，又要濕吻鄭敬基，見慣大場面的她笑言不尷尬，且過足戲癮：「個角色同我完全唔同，我個人好低調，唔識表達自己，而且我角色係未婚媽媽，呢個心情我好明白。」當年紅遍亞洲的葉蘊儀稱心情似BB誕生及似接新娘時般緊張又開心，對於被批未收身便復出拍劇，她大方謂不能跟廿歲時相比：「始終我係兩個小朋友嘅媽咪，而且我個角色係身形圓圓哋嘅師奶，我仲特登去食嘢增肥！」
陳慧珊奸得過癮
至於演奸角的陳慧珊（Flora）大呼角色好玩：「因為ＴＶＢ通常搵我做啲討好嘅角色，（跳咗part勁舞！）我淨係練咗個幾兩個鐘就要拍，但埋位時導演先話要框住我喺一個好細嘅位跳晒幾part舞，好困難。」
文：影視組