近日又派對，又頒獎禮，個個奉旨盛裝，「裙」情洶湧，然而妝、髮型、飾物，若稍有不配，便會拖垮整個造型。今期找來星級造型師郭慶彬做衫評，他大讚台星許瑋甯和荷里活女星愛瑪史東，前者透視美人魚裝，性感中帶點可愛，令人眼前一亮；後者金髮配全黑裝扮，成功突圍。
Jumpsuit已興足好幾季，同樣是今期流行，卻打破悶氣，於deep-v位拼合透視質料外，還有於腰位加入cut out設計，為的只求在低調中提升性感魅力！
條裙顏色好鮮艷，撞落佢膚色顯得更加神采飛揚，佢最醒係襯對桃紅色高跟鞋，好搶眼，完全散發女人味。
珠片裙好sharp，以佢高挑身形去演繹，着到佢好有美人魚feel，最正係佢後幅的透視設計，完全着出若隱若現嘅sexy感覺。
裙款靚，但襯個濃妝兼珠光寶氣，令成件事好老氣，而且又騷錯佢對粗腿，美感全無，高跟鞋又襯得格格不入，如果襯對淺色或露趾高跟鞋會更順眼。
全黑打扮一啲都唔悶，但呢條裙款好難carry，如果細粒同圓潤啲都招架唔嚟，雖然無首飾配襯，但反而更乾淨簡單，加埋佢把金髮，好搶眼！
呢個裙款着到佢身形修長，半透明裙襬設計令佢更加搖曳性感，勝在簡單高貴，唔一定要下下高衩露腿賣弄性感。
全紅打扮搶眼，deep-v透視設計散發若隱若現嘅性感，直髮令成個造型更乾淨俐落，配埋條粗皮帶更能凸顯佢S身形，好sharp醒！
著名星級造型師郭慶彬(Ricky)曾遠赴米蘭與巴黎時裝周，出席品牌有Max Mara、Sportmax、Chanel、Valentino、Gucci與Jean Paul Gaultier等品牌，也曾被邀在中國時尚節目《美麗俏佳人》擔任嘉賓主持，現於電台擔任客席嘉賓大談時裝之道與配搭技巧，近年也被各大品牌邀請客串造型顧問，為VIP提供服飾資訊與配搭技巧。Ricky曾為李冰冰、吳君如與張惠妹等擔任造型師，地位被肯定。