馬浚偉「皮肉錢」投資扯法拉落水
藝人馬浚偉和陳法拉昨在荃灣拍攝合唱歌《非戀之情》MV，曾兩度飾演兄妹的二人，私底下亦以兄妹相稱，因此今次不唱愛情，只唱兄妹之情。MV中，有3個月大的B女客串，馬浚偉和法拉輪流抱B影相，不過法拉的「手勢」認真麻麻，反觀馬浚偉就有紋有路得多。
法拉透露稍後會與鄭中基合作拍攝以人物張保仔為題材的電影，並踢爆「阿哥」手上有不少劇本，但當馬浚偉叫法拉夾錢投資時，法拉即耍手擰頭說：「我冇錢，我嗰啲辛苦錢嚟！」馬浚偉就口快快說：「我嗰啲係『皮肉錢』！」之後才改口：「血汗錢先啱！」差點令人誤會他有另類副業，非常搞笑。